Chin Version (Hakha)
Meeting Minutes le Policies
Date : 11 Sep, 2009
Time : 10:00 PM
Place : Pi Nu Vang inn, Storfors

► Chair tlai tu : Pu Louren Hngak
► Meeting record ttial tu : Salai Biak Tum Lian

1. Rev. Chan Peng Thang thlacamnak in meeting kan thok.

2. Agenda
(A) 12 September, 2009 chun, meeting a can khiahnak.
(B) CCS le CCFS meeting kan tthut dingning kong.

(A) 12 Sep, 2009 chun meeting a caan khiahnak.
Thla ni 12 September, 2009 chun meeting cu zinglei suimilam 9:30 AM in thok siseh tiah kan hna a tla.

(B) CCS le CCFS meeting kan tthut dingning kong.
Thla ni 12 September, 2009 chun meeting ah CCS le CCFS cu chun suimilam 12:00 PM tiang hmunkhat teah kan tthutti hna lai i, 12:00 PM hnu tuin a dangdang in tthut siseh tiah kan hna a tla.

3. kan meeting cu zan suimilam 11:30 PM ah Pu Ni Khar thlacamnak in kan donghter.

Meeting kai mi list.
Min Khua
1. Salai Biak Tum Lian Storfors
2. Pu Sang Mang Hre Storfors
3. Pu Duh Bik Alingsås
4. Rev. Chan Peng Thang Hofors
5. Pu Van Hmung Uppsala
6. Pu Peng Nawl Luleå
7. Pu Tial Kham Bergsjö
8. Pu Ni Khar Luleå
9. Pu Sui Thawng Vung Ljusdal
10. Pu Lai Uk Alingsås
11. Pu Nang Sian Lal Ljusdal
12. Pu Bawi Van Hei Hudiksvall
13. Pu Pa Hmung Ljusdal
14. Pu Tial Dun Vårgårda
15. Pu louren Hngak Göteborg
16. Pu Ni Ceu Storfors

A Voihnihnak Meeting
Date : 12/09/09
Time : 10:00 am
Place : Pi Nu Vang inn, Storfors

► Chair tlai tu : Pu Louren Hngak
► Minutes ttial tu : Salai Biak Tum Lian

1. Pu Duh Bik thlacamnak in kan meeting kan thok.

2. Chairman nih kan meeting kongkau chimnak a ngei.

3. Agenda khomhnak

(A) Constitution kong ceihhmainak.
(B) Policy kong ceihhmainak
(C) Seal kong
(D) Letter Head kong
(E) CCS le CCFS rianttuan ttinak ding kong
(F) Meeting kainak le thil dangdang ruangah Transportation kong
(G) Hmaikum Conference nicaan le a hmunhma kong

(A) Constitution kong ceihhmainak
Constitution cu Draft kan tuah mi papper cungah zoh in ceihhmai a si.

► Constitution kong kan ceih dih in chunchaw einak kan ngei.

► Chunchaw kan ei hnu ah Pu Tial Kham thlacamnak in meeting kan peh
tthan.

(B) Policy kong ceihhmainak

Chiat/tthatni
► Chiat/tthatni cu ramchung ( Sweden ) le ramleng tiah phun hnih in tthen a si.

Chiatni ( Ramchung , Sweden )
(a) Sweden um Chin miphun chungah thihlohnak kan ton sual a si ahcun
Kr-5000 in ngeihchiatnak I hrawm pi a si lai.

(b) Sweden um Kawlram mi ( kan uanu hna, Chin miphun a si lomi)
chungin thihlohnak a ton mi an um sual a si ahcun Kr-1000 in
ngeihchiatnak I hrawm pi a si lai.

(c) Sweden um Chin miphun chungin accident ruangah maw, a dangdang vanchiatnak ruangah maw, zungzal pum/kutke tlamtling thai ti lo ding dir hmun a phan mi an um sual a si ahcun Kr-10000 in bomh a si lai.

(d) Sweden um Chin miphun chungin dam lo zawtfah ruangah siizung a phan mi an um sual a si ahcun EC upa pawl nih a sining zoh in a herh an ti ning in bomh a si lai.

Chiatni (Ramleng)

(a) Sweden um Chin miphun chungin Kawlram lei le ram dangdang um kan nu/pa, uanu chuahkhat taktak (nu khat pa dang or pakhat nu dang
telhchih in) nih thihlohnak ton sual a si ahcun Kr- 2000 in ngeihchiatnak I hrawm pi a si lai.

Note # hika zawn te ahhin cun Foundation fee le monthly fee a pe lo an si ahcun Kr-1500 in ngeihchiatnak I hrawm pi a si lai.

Tthatni
(a) Sweden um Chin miphun chungin nau chuakthar an um tik ah Kr-500 in I lomh pi a si lai.

(b) Sweden um Chin miphun fanau hna chungin an sianginn kainak ah maw, lentecelhnak ah maw, a lam kip in a ttha bik/hawinak thiam hlei
(outstanding) dir hmun a phan kho mi an um a si ahcun Kr-1000 le
upatnak casual (honorary certificate) peknak in lunglomh pinak
langhter a si lai.

(c) Sweden um Chin miphun chungin Degree a kan lak piak kho mi an um a si ahcun EC upa pawl nih a herh an ti ning or aa tlak/rem an ti ning in I lomh pi a si lai.

(d) Sweden um Chin miphun chungin tthitumhnak (phunglam ning tein) a um a si ahcun Kr-500 in I lomh pi a si lai.

(C) Seal kong
CCS seal cu Office seal, Chairman seal le General Secretary seal tiah pathum in tuah a si lai I, a tuah tu cu Chairman le General Secretary nih tuanvo lak siseh tiah kan hna a tla.

(D) LetterHead
Letter Head cu tuah a si lai I, a tuah tu cu Chairman le Secretary nih ttuanvo lak siseh tiah kan hna a tla.

► Minute 15 I dinnak kan ngei.

► Minute 15 kan i din hnu ah Pu Sang Mang Hre thlacamnak in meeting
kan peh tthan.
(E) CCFS he rian ttuanttinak ding tete
Sweden um Chin miphun chungin chiat/tthat kan ton tik ah CCS le CCFS cu komh in rianttuan khawhnak zawn tete ahcun hmunkhat teah ttuantti a si lai.

(F) Meeting kai tik le thil dangdang kongah dihmi phaisa kong (Transportation)

(a) Tutan 12/09/09 ni i Stofors khua ah tuah mi Meeting a kai kho mi
chungin Tlanglawng le Bus ticket man (Transportation) ah Kr-1000
nak tam a dih mi cu, Kr-1000 hi a mah phaisa a dih lai i, Kr-1000 in a
cung lei tu cu CCS phaisa dih siseh tiah kan hna a tla.

(b) Hmailei CCS rianttuannak ah umkalnak (transportation) ah dih mi
phaisa cu EC pawl nih a herh an ti ningin zoh piak a si lai.

(G) Hmai kum khawmpi kong
(a) Hmai kum khawmpi (Conference) cu July thla ni 8 ah khual phanh ni a si lai I, 9,10,11 nithum chung tuah a si lai, cun thla ni 12 hi khua lei kir ni a si lai.

(b) Hmai kum khawmpi (Conference) cu Luleå khua ah tuah a si lai.

► Zan suimilam 12:00 PM ah kan meeting cu Pu Pa Hmung thlacamnak in kan donghter.
************ ********* ********* ********* ********* ********* *