Phunghram

Chin Version (Hakha)

Chin Community in Sweden Phunghram

Thenkhatnak
1. Buu min, chinchiahnak le buu tlangtar (Name, Emblem and Motto)
1.1 Buu min cu Chin Community in Sweden (CCS) ti a si lai.
1.2 Buu chinchiahnak cu Vakok hmanthlak a si lai.
1.3 Buu tlangtar cu Serve One Another a si lai.

Thenhnihnak
2. Tinhmi (Aims)
2.1 Sweden phan/um Chinmi hna chiattthat kan ton tik ah bomhchanh ding.
2.2 Chinmi hna Sweden ram ah a lam kip in kan tthanchonak caah i bomhchanh ding.
2.3 Kan cabia le hla, nunphung le zatlang nun kilven, tthanchoter ding.
2.4 Kawlram ah Democracy le nuhrin covo kan hmuhkhawhnak ding caah a ti khawhtawk bomhchanh ding.
2.5 Kan Chinram/Chin miphun tthanchonak caah a lamkip in ttuan ding.

Thenthumnak
3.1 Member sinak (Membership)
3.1.1 Chinmi a si i Sweden ram a phan mi poah cu member ah ruah dih an si lai.
3.1.2. CCS cu Chinmi long si lo in miphun dang zong nih CCS nih a tinhmi le a rianttuannak cung ah a hna a tla I a cohlang a si ahcun member si khawh a si lai.
3.1.3. Member sinak covo vialte cu thleidannak um lo tein member dihlak nih tinco dih a si lai.
3.1.4. Member a si mi vialte nih cun CCS nih tuah ding tiah an khiah mi rian le phaisa zat cu an thawh ve ding a si lai.
3.1.5 CCS member chungin kum 18 cung poh nih mee (vote) pek khawh a si lai.

3.2 Buu dirhning (Structure)

3.2.1 Chin Community in Sweden hruai tu ding Excutive Committee (EC)
cu minung (17) in dirh a si lai.
3.2.2 EC chungtel pawl cu a tang lei bantuk in sinak (Post) pek an si lai.

(a) Chairman
(b) Vice Chairman (1)
(c) Vice Chairman (2)
(d) General Secretary
(e) Assistant Secretary (1)
(f) Assistant Secretary (2)
(g) Finance Secretary
(h) Treasurer
(i) Members

Thenlinak
4. Tuanvo le nawlngeihnak
4.1 Community Board
4.1.1 Community Board cu Adviser, Excutive Committee, Auditor, Women Representative le Youth Representative tiin dirh a si lai.
4.1.2 Community Board nih Auditor report le EC pawl an rianttuannak kha theihpinak a ngeih lai.

4.2 EC
4.2.1 EC cu Chin Community in Sweden phunglam ning tein a kal khawhnak hnga ttuanvo ngei tu a si lai.
4.2.2 EC nih Community Board meeting cu a ni can khiah in a auh lai.

4.3 Chairman
4.3.1 Chin Community in Sweden I tthithruainak ah Daanbuu/phunglam ning tein a kal khawhnak hnga ttuanvo ngeitubik a si lai.
4.3.2 NGOs lei siseh, kaadangdang in upa rianttuantu siseh hmuhtonnak le pehtlaihnak a um ah cun EC hnatlaknak in a tuah lai.
4.3.3 EC meeting poh ah chair a lak lai.
4.3.4 Meeting chiar a tlaih lioah vote a ngei lai lo nain committee member pawl khatlei le khatlei vote an I tluk ahcun Chairman nih biachahnak nawl a ngei lai.
4.3.5 Chin Community min in kaadangdang ah ca ttial a huah tik ah le Statement ca hna kha a mah nih min a thut lai.
4.3.6 Thlakhat nak tam rauh in ramleng lei khualtlawn ding a si ahcun Vice chairman sinah rian a pek ta lai.

4.4 Vice Chairman (1)
4.4.1 Chairman rianttuannak ah a herh ning in a bawmh lai.
4.4.2 Chairman a um lo ahcun a cunglei I Chairman a rian vial te kha aiawh in a ttuan lai.

4.5 Vice Chairman (2)

4.5.1 Chairman le Vice Chairman (1) an rianttuannak ah a herh ning in a bawmh hna lai.
4.5.2 Chairman le Vice Chairman (1) an um lo a si ahcun, a cung lei I Chairman rian vial te kha ai awh in a ttuan lai.


4.6 General Secretary
4.6.1 General Secretary cu meeting record vialte le a dang Document le Seal tlaitu a si lai.
4.6.2 EC meeting biachiahnak vialte dik le fel tein rianttuan awk ah a hruai hna lai. Biachahnak vialte ttha tein a kal nakhnga Chairman a ceihpi lengmang lai.
4.6.3 Chin Community in Sweden kong ah EC meeting vialte Chairman theihpinak in a auh lai.
4.6.4 EC meeting tuah tik poh ah meeting record ttial tu a si lai.
4.6.5 Thlakhatnak tam rauh ding in ramleng lei khualtlawn ding asi ahcun Assistant Secretary (1) sin ah rian a pek ta lai.

4.7 Assistant Secretary (1)
4.7.1 GS rian ah a herh ning in a bomh lai.
4.7.2 GS a um lo tik ah GS aiawh in ttuanvo a ngei lai.

4.8 Assistant Secretary (2)
4.8.1 GS le AS (1) rian ah a herh ning in a bomh hna lai.
4.8.2 GS le AS (1) an um lo tik ah aiawh in ttaunvo a ngei lai.

4.9 Finance Secretary
4.9.1 EC phaisa hmuhnak le hmannak vialte ningcang tein a umnak
hnga tuanvo a lak lai.
4.9.2 Phaisa luhnak le hmannak cu Presedent le GS theihpinak in a
tuah lai.
4.9.3 CCS nih phaisa hmuhnak lei ah a herh ningin tuanvo ngei tu bik a si lai.

4.10 Treasurer
4.10.1 Treasurer cu Chin Community in Sweden phaisa vialte himte le felte in a um khawhnak hnga a keng tu a si lai.
4.10.2 Buu phaisa cu EC hnatlak pi ning in a luh chuah a tuah lai.
4.10.3 Phaisa list vialte siseh, a herh ning in report peknak ca siseh tuah ding in ttuanvo a ngei lai.
4.10.4 Phaisa luhchuahnak kong ah felfai tein cazin a chuah pi khawh lo
a si ahcun a herh ning in dantatnak a ing lai.
4.10.5 Emergency kongah Bank I phaisa cu Kr-5000 long chuahkhawh a si lai. Kr- 5000 nak tam chuah a herh sual a si ahcun Presedent le GS theihpinak in a chuah lai.

4.11 Auditor
4.11.1 Buu phaisa cu Auditor nih kum ( 1 ) voikhat lengmang in audit an tuah lai.
4.11.2 Auditor cu audit tuah a herh can lawng ah EC nih audit tuah ding in a leng lei mi, minung pa (2) in thim an si lai i EC chungin minung pakhat nih a bomh hna lai.

4.12 Adviser
4.12.1 Adviser hna cu CCS I hruainak chungah a herh ning in thazang an chuah ve lai I, EC upa pawl a herh ning in ruahnak an cheuh peng hna lai.
4.12.2 EC meeting (regular meeting, Emergency meeting) ah EC pawl nih a herh tiah an sawm tik hna lawng ah meeting an kai lai.

Thennganak
5. Meeting le Conference
5.1 Conference (Khawmpi)
5.1.1 Chin Community in Sweden Conference (khawmpi) cu CCS meeting vialte lak ah nawl ngeihnak sangbik a ngei lai.
5.1.2 Conference cu kumkhat ah voikhat in tuah a si lai.
5.1.3 Kum tin election tuah hlan ah Conference cu tuah a si lai.
5.1.4 Conference nih election commission a thim hna lai.
5.1.5 Election commission cu minung pa (3) in thim an si lai I, an mah cu nominate tuah khawh an si lai lo.
5.1.6 Conference nih a thim mi EC minung (17) cu kumhnih ca lengmang an si lai.
5.1.7 Conference long nih CCS Danbuu zohtthannak, remhnak, hrawhnak, chapnak nawl a ngei lai.
5.1.8 Conference I vote a ngei mi cheuthum cheuhnih (2/3) hnatlaknak lawng in Danbuu fehter khawh a si lai.

5.2 Regular meeting
5.2.1 EC regular meeting cu a tlawmbik thlathum ah voikhat tuah a si lai.
5.2.2 Regular meeting cu EC upa a cheu nak tam an kai lawng ah meeting tthut khawh asi lai.

5.3 Emergency meeting

5.3.1 Emergency meeting cu EC upa pawl nih a herh an ti can poh ah tuah khawh a si lai.
5.3.2 Member chung cheuthum cheukhat nih Chairman sin ah thawngthanh in an hal a si ah cun tuah khawh asi lai.
5.3.3 Emegency meeting cu EC (OB) chung in a tlawmbik minung pa (3) le EC member chung in a tlawmbik minung pa (5) an zapi minung pa (8) tal an tling long ah meeting tthutkhawh a si lai.

5.4 Community Board Meeting

5.4.1 Community Board meeting cu kumkhat ah voikhat tuah a si lai.
5.4.2 Community Board meeting I chair a la tu ding cu meeting a kai chung in thim a si lai.

Thenruknak
6.1 Thilri
6.1.1 CCS nih a ngeih mi phaisa le thilri vialte cu CCS a hmunh chung a mah ta an si dih lai.
6.1.2 CCS thilri vialte cu EC upa chungin thim mi upa nih thilri keng tu ttuanvo a lak lai.

6.2 Ralrin peknak
6.2.1 Hi Daanbu chung I rianttuan ning le zulh awk kalh in rianttuan mi an um ahcun an kong ceih asi lai.

Thensarihnak
7.1 Term
7.1.1 Chairman le General Secretary cu term 2 (Kum 4) long peh khawh a si lai.

7.2 Buu Donghternak (Dissolution of the Organization)

7.2.1 CCS cu hmailei pehzul in rianttuan khawh ti lo ding dir hmun a phanh sual a si ahcun a ngeih mi phaisa le thilri vial te cu mipi sinah a phawtzam lai.
7.2.2 Mipi nih an mah sin phawtzam ding an duh lo sual a si ahcun
Kawlram Democracy le Human right hmuhkhawhnak ding caah a ttuan mi
hna le social tthanchonak rian ttuan tu bu pakhatkhat sin ah a pek hna lai.

Thenriatnak

8. Danbuu fehternak
8.1 CCS Danbuu chung tarlangh mi phunghram vialte cu General Conference a kai mi cheuthum cheuhnih (2/3) hnathlaknak in fehter a si lai.
8.2 Hi CCS Daanbu hi kan Community chungah zulh awk phunglam caah (12.09.2009) ni ah fehter a si.

Note # Chin Community in Sweden cu Sweden um Chin miphun hna social, culture and Literature le economic vial te aiawh tu buu a si.
************ *********